“ఫ్రెండ్లీ పోలీస్” అని ప్రత్యక్షంగా నిరూపించిన జమ్మికుంట పోలీసులు. జీన్యూస్  జమ్మికుంట  సహజంగా పోలీసులంటే ప్రజలలో భయం, అలాగే పోలీసులు కఠినంగా ఉంటారని సమాజంలో ఒక రకమైన భావన. కానీ ప్రజలలో వున్న ఆ అభిప్రాయాన్ని తప్పు అని నిరూపించారు జమ్మికుంట పోలీసులు. జమ్మికుంట మండలానికి చెందిన రాజేందర్ అనే రైతు బుధవారం రోజున ట్రక్కులో వడ్ల బస్థాలను స్థానిక మార్కెట్ కు తరలిస్తుండగా జమ్మికుంట పట్టణంలోని ఫ్లైఓవర్ మీదకు రాగానే వడ్ల బస్తాలు జారీ రోడ్డు మీద పడిపోయాయి. వాహన రాకపోకలకు కొంత ఇబ్బంది కలిగిన నేపథ్యంలో విషయం తెలుసుకున్న పట్టణ సి ఐ, రామకృష్ణ గౌడ్ వెంటనే స్పందించి ఎస్.ఐ తో సహా మిగతా పోలీస్ సిబ్బంది ని సంఘటన స్థలానికి పంపించారు. అక్కడికి చేరుకున్న పోలీసులు వడ్ల బస్థాలను తామే మోస్తూ ట్రక్కు లోనికి ఎక్కించారు. సకాలంలో స్పందించి సహాయం చేసిన జమ్మికుంట పోలీసులను స్థానిక ప్రజలు, పలువురు అభినందించారు.