జ్యోతిరావ్ బా పూలే జీవితం అందరికీ ఆదర్శం
– విద్య సమాన హక్కు అని నినదించిన వ్యక్తి.
– ఆయన ఆశయాలు అందరికి స్ఫూర్తిదాయకం.
– హుజురాబాద్ లోనీ ఒక సర్కిల్ కు పూలే పేరు.
1కోటి.50లక్షలతో హుజురాబాద్ పట్టణంలోని 4 జంక్షన్ ల అభివృద్ధికి కృషి.
జీ న్యూస్, హుజురాబాద్:
సమాజంలో అణగారినవర్గాల అభ్యున్నతి కోసం పోరాడిన మహొన్నతమైన వ్యక్తి మహాత్మా జ్యోతిరావు పూలే అని హుజురాబాద్ కాంగ్రెస్ పార్టీ నియోజకవర్గ ఇంచార్జి వొడితల ప్రణవ్ అన్నారు.శుక్రవారం పూలే 136వ వర్ధంతి సందర్భంగా హుజురాబాద్ పట్టణంలోని సివిల్ హాస్పిటల్ ముందు గల చౌరస్తాలో ఆయన చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా ఆయన మాట్లాడుతూ చదువుతోనే అభివృద్ధి సాధ్యమని, ఆది అందరి హక్కని కొట్లాడారన్నారు. ఆయన స్ఫూర్తితో హుజురాబాద్ నియోజకవర్గంలోనీ ప్రతి ఒక్కరికి ప్రభుత్వం అందించే నాణ్యమైన విద్యను విద్యార్థులకు అందజేస్తామని తెలిపారు. ఇటీవల విడుదల అయిన 15కోట్ల అభివృద్ధి నిధుల్లో భాగంగా హుజురాబాద్ పట్టణంలో కోటి ముప్పై లక్షలతో 4 ప్రధాన చౌరస్తాలను అభివృద్ధి చేస్తున్నామని దాంట్లో ఒకదానికి జ్యోతి బా పూలే పేరు పెడతామని పేర్కొన్నారు. కార్యక్రమంలో పూలే అభిమానులు, పలు సంఘాల నాయకులు, కాంగ్రెస్ పార్టీ శ్రేణులు అధిక సంఖ్యలో పాల్గొన్నారు.


