పల్లెల్లో ఎన్నికల సందడి.. సర్పంచ్​ ఎన్నికల రంగం సిద్దం

Must read

పల్లెల్లో ఎన్నికల సందడి
సర్పంచ్​ ఎన్నికల రంగం సిద్దం

జీ న్యూస్​ ప్రత్యేక ప్రతినిది

సర్పంచ్​ఎన్నికలకు సంబందించి మంగళవారం సాయంత్రం రాష్ట్ర ఎన్నికల సంఘం షెడ్యూల్‌ను విడుదల చేసింది. ఇప్పటికే రిజర్వేషన్లకు సంబంధించి ప్రభుత్వం ఎన్నికల కమిషన్​కు పూర్తి వివరాలు ఇవ్వడంతో.. ఎన్నికల నిర్వహణకు సంబంధించిన షెడ్యూల్ను విడుదల చేసింది.
రాష్ట్రవ్యాప్తంగా మూడు విడతల్లో ఎన్నికలు నిర్వహించబోతున్నట్లు, ప్రతి ఫేజ్కి నడుమ రెండు రోజుల వ్యవధి ఉంటుందని పేర్కొంది. మొదటి విడత పోలింగ్ వచ్చేనెల​11న, రెండో విడత 14న, మూడో విడత 17న జరుగనుంది.
ఈనెల 27వ తేదీ నుంచి మొదటి దశ ఎన్నికలకు నామినేషన్లు, 30వ తేదీ నుంచి రెండో దశ ఎన్నికల నామినేషన్లు, డిసెంబర్ 3వ తేదీ నుంచి మూడో విడత నామినేషన్ల స్వీకరణ జరుగనున్నట్లు వెల్లడించారు. ఓటింగ్​జరిగిన రోజునే ఓట్లను లెక్కించి ఫలితాలు ప్రకటిస్తారు. ఎన్నికల షెడ్యూల్ రావడంతో మంగళవారం సాయంత్రం నుండే రాష్ట్ర వ్యాప్తంగా ఎన్నికల కోడ్ అమల్లోకి రానుంది. రాష్ట్రంలోని 31 జిల్లాల్లోని 12,760 గ్రామ పంచాయతీలు, 1,13,534 వార్డులకు ఎన్నికలు జరుగనుండగా, రాష్ట్రంలో కోటి 66 లక్షల మంది గ్రామీణ ఓటర్లు ఉన్నట్లు ఎన్నికల అధికారిణి రాణి కుముదిని వెల్లడించారు. ఇప్పటికే రిజర్వేషన్లు సైతం ఖరారు కావటంతో రాష్ట్రంలోని అన్ని గ్రామాల్లో ఎన్నికల సందడి మొదలైంది.

 

- Advertisement -spot_img

More articles

- Advertisement -spot_img

Latest article