మహిళలకు ఇందిరా శక్తి చీరలు, వడ్డీ లేని రుణాల పంపణీ
జీ న్యూస్ హుజూరాబాద్
మహిళా సాధికారతే లక్ష్యంగా ప్రభుత్వం చేపట్టిన ‘మహిళా ఇందిరా శక్తి’ కార్యక్రమాన్ని హుజురాబాద్ పట్టణంలో ఎంపీడీఓ సమావేశ మందిరంలో మంళవారం ప్రారంబించారు. కార్యక్రమంలో మహిళా సంఘాల సభ్యులకు ఆర్డీవో ఎస్. రమేష్ బాబు చేతుల మీదుగా చీరలు, వడ్డీ లేని రుణాలను పంపిణీ చేశారు. ఈ సందర్భంగా ఆర్డీవో ఎస్. రమేష్ బాబు మాట్లాడుతూ.. మహిళలు ఆర్థికంగా బలోపేతం అయితేనే సమాజం అభివృద్ధి చెందుతుందన్నారు. “మహిళలు తమ సొంత కాళ్లపై నిలబడి ఆర్థికంగా బలపడేందుకు ప్రభుత్వం తరపున అన్ని విధాలా సహకారం అందిస్తామన్నారు. ఈ వడ్డీ లేని రుణాలు మహిళలు చిన్న తరహా వ్యాపారాలు ప్రారంభించడానికి, ఇప్పటికే ఉన్న వ్యాపారాలను విస్తరించుకోవడానికి ఎంతగానో ఉపయోగపడతాయన్నారు. ప్రతి ఒక్కరూ ఈ అవకాశాన్ని సద్వినియోగం చేసుకొని ఆర్థికంగా పురోగమించాలని, ప్రభుత్వం అందించే పథకాల లక్ష్యం మహిళల ఆత్మవిశ్వాసాన్ని పెంచడమేనని ఆయన అన్నారు. ఈ కార్యక్రమంలో పాల్గొన్న మహిళలు ప్రభుత్వం అందిస్తున్న పథకాల ద్వార తమ జీవితాల్లో పెద్ద మార్పును తీసుకువస్తుందని, తమ కుటుంబాలకు అండగా నిలబడే శక్తి లభిస్తుందని సంతోషం వ్యక్తం చేశారు. కార్యక్రమాన్ని తాహసిల్దార్ నరేందర్, ఎంపీడీవోలు సునీత,పద్మావతిల ఆద్వర్యంలో నిర్వహించారు. మహిళలలు ప్రభుత్వ పథకాలను సక్రమంగా ఉపయోగించుకునేలా అధికారులు అవగాహన కల్పించారు. మహిళా సంఘాల సభ్యులకు చీరలు, వడ్డీ లేని రుణాల చెక్కులను పంపిణీ చేశారు. కార్యక్రమంలో మండల స్థాయి అధికారులు, మహిళా సంఘాల సభ్యులు పెద్ద సంఖ్యలో పాల్గొన్నారు.
