మత్స్యకారుల అభివృద్ధికి పూర్త సహకారం..

మత్స్యకారుల అభివృద్ధికి పూర్త సహకారం..
 మానకొండుర్​ MLA కవ్వంపల్లిసత్యనారాయణ**

  జీ న్యూస్​ మానకొండూర్​ 

చేప పిల్లల పెంపకం ద్వారా మత్స్యకారులు ఆదాయానికి పెంచుకోవచ్చని మానకొండూర్ ఎమ్మెల్యే డాక్టర్ కవ్వంపల్లి సత్యనారాయణ అన్నారు. శనివారం ఇల్లంతకుంట మండలం అనంతగిరి రిజర్వాయర్ లో మత్య్సచేపపిల్లలను ప్రభుత్వమే ఉచితంగా అందిస్తున్నదని, మత్స్య కారుల అభివృద్ధి కోసం ముఖయంత్రి రేవంత్ రెడ్డి ప్రభుత్వం చిత్తశుద్ధితో కృషి చేస్తున్నదన్నారు. గుత్తేదారులకు ఇవ్వకుండా మత్స్యశాఖ అధికారులతో కలిసి ఆయన చేపపిల్లలను వదిలారు.
ఈ సందర్భంగా  కవ్వంపల్లి సత్యనారాయణ మాట్లాడుతూ మత్స్యకారుల ఆర్థికాభివృద్ధని దృష్టిలో పెట్టుకొని ప్రభుత్వం చేపపిల్లల పెంపకాలను ప్రోత్సహిస్తున్నదని చెప్పారు. ప్రభుత్వమే రిజర్వాయర్లు, చెరువుల్లో ఉచితంగానే చేపపిల్లలను వదలుతోందనని, చేపల చెరువులను దళారులకు అప్పగించకుండా మత్స్యకారులే స్వయంగా స్వయంగా చేప పిల్లల పెంపకం చేపట్టాలన్నారు. చెరువుల్లో వదిలిన చేప పిల్లలు పెరిగి పెద్ద అయిన తర్వాత మత్స్యకారులు వాటి విక్రయాల ద్వారా ఆర్థికంగా బలోపేతం కావాలన్నారు. రాష్ట్ర ప్రభుత్వం కులవృత్తులను ప్రోత్సహిస్తూ తద్వారా వారి సంపాదన శక్తిని పెంచుతున్నదన్నారు. ఇందుకు అనుగుణంగా ప్రభుత్వం వివిధ పథకాలను అమలు చేస్తున్నదన్నారు.చేపల వేట వృత్తిగా జీవిస్తున్న కుటుంబాల వారి సంక్షేమం, అభివృద్ధికి కాంగ్రెస్ ప్రభుత్వం కట్టుబడి ఉందన్నారు.

అంగన్వాడీ భవన నిర్మాణానికి భూమి పూజ
ఇల్లంతకుంట మండలం అనంతగిరి గ్రామంలో నూతనంగా నిర్మించనున్న అంగన్వాడీ నూతన భవన నిర్మాణానికి శనివారం మానకొండూర్ ఎమ్మెల్యే డాక్టర్ కవ్వంపల్లి సత్యనారాయణ భూమి పూజ చేశారు. ఈ సందర్భంగా ఎమ్మెల్యే మాట్లాడుతూ అంగన్ వాడీ కేంద్రాలను ఆధునీకరించాలని రాష్ట్ర ప్రభుత్వం నిర్ణయించిందన్నారు. అందులో భాగంగానే అంగన్ వాడీ కేంద్రాలకు సొంత భవనాలు నిర్మిస్తోందని, ఆ కోవలోనే అనంతగరి అంగన్వాడీ కేంద్రానికి నూతన భవన నిర్మాణం చేపడుతున్నట్టు ఆయన వివరించారు.
రేపాకలో….
ఇల్లంతకుంట మండలం రేపాక గ్రామంలో సీసీ రోడ్లు, డ్రైనేజ్ పనులకు ఎమ్మెల్యే డాక్టర్ కవ్వంపల్లి సత్యనారాయణ భూమిపూజ చేశారు.ఈ సందర్భంగా ఎమ్మెల్యే మాట్లాడుతూ గ్రామంలో మౌలిక సదుపాయాలు కల్పించాలన్నదే ప్రభుత్వ ఉద్దేశమన్నారు. గ్రామాల్లో పారిశుద్ధ్యంపై ప్రత్యేక శ్రద్ధ చూపిస్తున్నామని, అందులో భాగంగానే డ్రైనేజీల వ్యవస్థను మెరుగుపరుస్తున్నామని ఆయన చెప్పారు.
ఈ కార్యక్రమాల్లో ఇల్లంతకుంట మండల కాంగ్రెస్ అధ్యక్షుడు కోమటిరెడ్డి భాస్కర్ రెడ్డి, మార్కెట్ కమిటీ చైర్మన్ ఐరెడ్డి చైతన్య మహేందర్ రెడ్డి, పార్టీ నాయకులు ఊట్కూరి వెంకట రమణారెడ్డి, గుడిసె అయిలయ్య, పసుల వెంకటి, ఆకుల సత్యం, మాతంగి అనిల్, తీగల పుష్పలత,వెలిచాల జ్యోతితోపాటు వివిధ శాఖల అధికారులు, పార్టీ గ్రామశాఖ అధ్యక్షులు,కార్యకర్తలు పాల్గొన్నారు.