అందెశ్రీ అస్తమయం…మూగబోయిన తెలంగాణ స్వరం
జీ న్యూస్ హైదరాబాద్
ప్రజాకవి, ప్రకృతి కవిగా సుప్రసిద్ధులైన డాక్టర్ అందెశ్రీ ఇక లేరు. తెలంగాణ ఉద్య‌మ స‌మ‌యంలో ఆయన రచనలు ప్రజ‌ల్లో చైత‌న్యం నింపాయి.. ఆయన పాటలు ప్రజల హృద‌యాల్లో చిర‌స్థాయిగా నిలిచిపోయాయి.. నిలిచిపోతాయి కూడా. అశువు క‌విత్వం చెప్ప‌టంలో దిట్టగా పేరొందిన అందెశ్రీ.. కాకతీయ యూనివ‌ర్సిటీ నుంచి గౌర‌వ డాక్టరేట్ అందుకున్నారు.
ప్రముఖ కవి, రచయిత అందెశ్రీ కన్నుమూశారు. 64 ఏండ్ల అందెశ్రీ కొతకాలంగా అనారోగ్యంతో బాధపడుతున్నారు. ఆదివారం రాత్రి తన నివాసంలో ఒక్కసారిగా కుప్పకూలి పడిపోయారు. తీవ్ర అస్వస్థతకు గురై ఆసుపత్రిలో చికిత్స పొందుతూ కన్నుమూశారు.. ఉదయం ఇంట్లో ఒక్క సారిగా కుప్పకూలిపోవడంతో కుటుంబసభ్యులు సమీపంలోని గాంధీ ఆస్పత్రికి తరలించారు. ఆయన పరిస్థితి విషమంగా ఉండటంతో అత్యవసర వైద్యం అందించారు. కానీ ప్రయోజనం లేకపోయింది.
1961, జూలై 18న ఉమ్మడి వరంగల్‌ జిల్లా మద్దూరు మండలం రేబర్తిలో (ప్రస్తుతం సిద్దిపేట జిల్లా) అందెశ్రీ జన్మించారు. ఆయన అసలు పేరు అందె ఎల్లన్న. భవన నిర్మాణ కార్మికుడిగా పనిచేశారు. పాఠశాల చదువు లేకుండానే కవిగా రాణించారు. ‘మాయమై పోతున్నడమ్మ మనిషన్నవాడు’ అనే పాటతో మంచి గుర్తింపు తెచ్చుకున్నారు. అశువు కవిత్వ చెప్పడంలో దిట్ట అయిన అందెశ్రీ.. ప్రజాకవి, ప్రకృతి కవిగా ప్రసిద్ధి చెందారు. తెలంగాణ ఉద్యమంలో కీలక పాత్ర పోషించారు. తన పాటలతో ప్రజలను ఉత్తేజితులను చేశారు. తెలంగాణ రాష్ట్ర గీతం ‘జయ జయహే తెలంగాణ’తోపాటు ఎన్నో పాటలు రాశారు. కాకతీయ విశ్వవిద్యాలయం నుంచి డాక్టరేట్ అందుకున్నారు. 2006లో గంగ సినిమాకు నంది పురస్కారం అందుకున్నారు. 2014లో అకాడమీ ఆఫ్‌ యూనివర్సల్‌ గ్లోబల్‌ పీస్‌ డాక్టరేట్, 2015లో దాశరథి సాహితీ పురస్కారం, రావూరి భరద్వాజ సాహితీ పురస్కారం, 2022లో జానకమ్మ జాతీయ పురస్కారం, 2024లో దాశరథి కృష్ణమాచార్య సాహితీ పురస్కరం, లోక్‌నాయక్‌ పురస్కారం అందుకున్నారు.
ఆందే శ్రీని ప్రజల కవిగా, ప్రకృతి కవిగా పిలుస్తారు. అతని రచనలు మార్జినలైజ్డ్ వర్గాల పోరాటాన్ని, సామాజిక న్యాయాన్ని ప్రతిబింబిస్తాయి. 2025 జూన్ 2న తెలంగాణ ఏర్పాటు దినోత్సవంలో ఉద్యమానికి సహకారానికి రూ.1 కోటి బహుమతితో సత్కరించారు. అతని స్వరం ఇప్పటికీ తెలంగాణ సాంస్కృతిక గర్వానికి చిహ్నంగా నిలుస్తుంది.
