సగర్వంగా సెమీస్​కు

సగర్వంగా సెమీస్​కు

జీన్యూస్  స్పోర్ట్స్​ డెస్క్​

మందాన‌, రావల్‌శతకాలతో భారత్‌భారీ స్కోరు సాధించి, న్యూజిలాండ్‌పై 53 పరుగుల తేడాతో ఘన విజయం సాధించింది. రోడ్రిగ్స్‌దూకుడు, బౌలర్ల అదరహో ప్రదర్శనతో భారత్‌వరల్డ్‌కప్‌సెమీఫైనల్‌లోకి దూసుకెళ్లింది.

మూడు వరుస పరాజయాల తర్వాత, చావో–రేవో తేల్చుకోవాల్సిన మ్యాచ్​లో భారత అమ్మాయిలు జూలు విదిల్చారు. శివంగుల్లా గర్జించి  5వ సారి ప్రపంచకప్​ సెమీఫైనల్​కు దూసుకెళ్లారు. నవీ ముంబైలో జరిగిన మహిళల ప్రపంచకప్‌మ్యాచ్‌లో భారత్‌ఘన విజయం సాధించింది. హర్మన్‌ప్రీత్‌కౌర్‌సారథ్యంలో టీమిండియా న్యూజిలాండ్‌పై 53 పరుగుల తేడాతో గెలిచి సెమీఫైనల్‌బరిలోకి దూసుకెళ్లింది. ఈ గెలుపుతో భారత్‌వరల్డ్‌కప్‌సెమీఫైనల్‌కు చేరిన నాలుగో జట్టుగా నిలిచింది. ఆస్ట్రేలియా, దక్షిణాఫ్రికాల మధ్య రేపు జరిగే మ్యాచ్​ విజేతతో 30వ తేదీన ఇదే డివై పాటిల్​ స్టేడియంలో సెమీఫైనల్​ ఆడనుంది.

స్మృతి, ప్రతీకల  విధ్వంసం

స్మృతి మంధాన‌, ప్రతికా రావల్‌శతకాలతో భారత్‌న్యూజిలాండ్‌పై 53 పరుగుల తేడాతో విజయం సాధించింది.  టాస్​ ఓడిపోయి, తొలుత బ్యాటింగ్‌చేసిన భారత్‌49 ఓవర్లలో కేవలం మూడు వికెట్లు కోల్పోయి 340 పరుగుల భారీ స్కోరు చేసింది. ఓపెనర్లు స్మృతి మందాన‌ (109), ప్రతీకా రావల్‌(122) ఇద్దరూ అద్భుత శతకాలు సాధించి భారత భారీ స్కోరుకు పునాది వేశారు. ఈ జంట తొలి వికెట్‌కు 212 పరుగుల రికార్డు భాగస్వామ్యం అందించింది. ఇది మహిళల వన్డేల్లో వారి రెండో 200+ భాగస్వామ్యం కావడం విశేషం. ఏ వికెట్​కైనా ప్రపంచకప్​లో భారత్​కిదే అత్యధిక భాగస్వామ్యం. అలాగే న్యూజీలాండ్​పై కూడా ఏ జట్టుకైనా ఇదే అత్యుత్తమ భాగస్వామ్యం.

మంధాన‌95 బంతుల్లో తన 14వ వన్డే శతకం సాధించి, మహిళల వన్డే క్రికెట్‌లో సుజీ బేట్స్‌ను అధిగమించి రెండో స్థానానికి చేరుకుంది. మొదటి స్థానంలో ఆస్ట్రేలియాకు చెందిన మెగ్​ లానింగ్​(15) ఉంది. అలాగే, అంతర్జాతీయ శతకాల్లో ఇది 17వది. మెగ్​ లానింగ్​తో కలిసి సంయుక్తంగా అత్యధిక అంతర్జాతీయ సెంచరీలు సాధించిన ప్లేయర్​గా రికార్డులకెక్కింది. రావల్‌134 బంతుల్లో 122 పరుగులు సాధించి తనపై వస్తున్న విమర్శలకు సమాధానం ఇచ్చింది. ఇది ఆమె రెండో వన్డే శతకం, అలాగే ప్రపంచకప్‌లో మొదటిది.

రోడ్రిగ్స్ దూకుడు.. బౌలర్ల చెడుగుడు

మందాన‌, రావల్‌అవుట్‌అయిన తర్వాత ఆ విధ్వంసాన్ని జెమిమా రోడ్రిగ్స్‌అందిపుచ్చుకుని మైదానాన్ని అల్లకల్లోలం చేసింది. గత మ్యాచ్‌లో బెంచ్‌పై ఉన్న జెమీమా, ఈసారి 3వ స్థానంలోకి వచ్చి 55 బంతుల్లో 76* పరుగులు చేసింది. ఆమె దూకుడుతో చివరి 9 ఓవర్లలో భారత్‌86 పరుగులు రాబట్టి భారీ స్కోరుతో ఇన్నింగ్స్‌ముగించింది.

వర్షం కారణంగా మ్యాచ్‌కొంతసేపు నిలిచిపోగా, డిఎల్​ఎస్​ ప్రకారం, న్యూజిలాండ్‌కు 44 ఓవర్లలో 325 పరుగుల లక్ష్యం నిర్ణయించారు. భారీ లక్ష్యం కావడంతో ముందే ఆశలు వదిలేసుకున్న కివీస్​ పెద్ద ప్రతిఘటనేమీ ఇవ్వకుండా  భారత బౌలర్లకు లొంగిపోయారు. రేణుకా సింగ్‌ఆరంభంలోనే ప్లిమ్మర్‌, డివైన్‌వికెట్లు తీసి న్యూజిలాండ్‌బ్యాటింగ్‌ను కుదిపేసింది. స్నేహ్‌రాణా కీలక సమయానికి అమీలియా కేర్‌(45)ను అవుట్‌చేసి భారత ఆధిపత్యాన్ని కొనసాగించింది. బ్రూక్‌హాలిడే (81) ఒంటరిగా పోరాడినా, శ్రీ చరణి చేతిలో అవుట్‌కావడంతో న్యూజిలాండ్‌ఇన్నింగ్స్‌ముగిసింది.

న్యూజిలాండ్‌నిర్ణీత 44 ఓవర్లలో 272 పరుగులకు ఆలౌట్‌కాగా, భారత్‌53 పరుగుల తేడాతో ఘన విజయం సాధించింది.  దీంతో 6 పాయింట్లు సాధించిన భారత్​ సెమీస్​లోకి ప్రవేశించింది. ఇక మిగిలిన ఒక్క లీగ్​ మ్యాచ్​ బంగ్లాదేశ్​తో ఈనెల 26న ఇదే నవీ ముంబైలో ఆడనుంది కానీ, ఆ మ్యాచ్​ ఫలితం భారత్​ 4వ స్థానాన్ని మార్చలేదు. కెప్టెన్‌హర్మన్‌ప్రీత్‌కౌర్‌విజయం అనంతరం మాట్లాడుతూ – “ఈ విజయం జట్టు కృషికి నిదర్శనం. ప్రతీ ప్లేయర్​ అద్భుతంగా ఆడారు. ఇప్పుడు మా లక్ష్యం ఫైనల్‌గెలవడం” అని అన్నారు.

భారత స్కోరు: 49 ఓవర్లలో 340/3 (రావల్‌122, మందాన‌ 109, రోడ్రిగ్స్‌76 నాటౌట్‌)

న్యూజిలాండ్‌: 44 ఓవర్లలో 272 ఆలౌట్‌(హాలిడే 81)

భారత్‌విజయం: 53 పరుగులు

భారత్‌న్యూజిలాండ్‌పై 53 పరుగుల తేడాతో ఘనవిజయం సాధించి మహిళల వరల్డ్‌కప్‌సెమీఫైనల్‌బరిలోకి దిగింది