నిర్మాణ రంగానికి ప్రభుత్వం చేయూత
టైమ్స్ ప్రాపర్టీ ఎక్స్ పో–2025 ప్రారంభించిన మంత్రి పొన్నం.
హైదరాబాద్ జీ న్యూస్
అనుమతులకు అనుగుణంగా నిర్మాణలు చేపట్టాలని, నిర్మాణ రంగానికి ప్రభుత్వం చేయూతనివ్వడానికి సిద్దంగా ఉందని మంత్రి పొన్నం ప్రభాకర్ అన్నారు. గచ్చిబౌలి సంధ్యా కన్వెన్షన్ సెంటర్లో టైమ్స్ ఆఫ్ ఇండియా ఆధ్వర్యంలో ఐదవ టైమ్స్ ప్రాపర్టీ ఎక్స్ పో–2025ను రాష్ట్ర మంత్రి పొన్నం ప్రభాకర్ శనివారం ప్రారంభించారు. మంత్రి మాట్లాడుతూ,హైదరాబాద్‌లో ఐదవ ఎడిషన్ ప్రాపర్టీ ఎక్స్ పో జరగడం ఆనందంగా ఉందన్నారు. ఈ వేదిక ప్రముఖ డెవలపర్లు, గృహ కొనుగోలుదారులు, పెట్టుబడిదారులు, పరిశ్రమ నిపుణులు ఒకే చోట కలిసే అవకాశం ఇస్తుందని, రెండు రోజుల ప్రదర్శనలో రాష్ట్రం అంతటా 25 పైగా ప్రముఖ డెవలపర్లు, 125 పైగా నివాస, వాణిజ్య ప్రాజెక్టులు పాల్గొనడం ఆనందంగా ఉందన్నారు. అపర్ణ కన్స్ట్రక్షన్స్, సైబర్ సిటీ బిల్డర్స్, ఏఎస్బిఎల్ వంటి ప్రముఖ డెవలపర్లు కూడా ప్రాజెక్టులను ప్రదర్శించారు. సందర్శకులు లగ్జరీ విల్లాలు, ప్రీమియం అపార్ట్‌మెంట్లు, తక్కువ ధర గృహాలు, ప్లాట్లు ఒక్కే వేదికలో పరిశీలించవచ్చని, గృహ రుణాలు, ఆర్థిక సలహాలు, న్యాయ మార్గదర్శకత వంటి సేవలు ప్రత్యక్షంగా అందుబాటులో ఉన్నాయన్నారు. ఈ ఎక్స్ పో హైదరాబాద్ బ్రాండ్ ఇమేజ్ పెంపొందించడంలో కీలకంగా ఉంటుందన్నారు. హైదరాబాద్ నగరం రియల్ ఎస్టేట్ పెట్టుబడుల కోసం అనుకూలంగా అభివృద్ధి చెందుతోందని తెలిపారు. ఈ ఎక్స్ పో ద్వారా ప్రజలకు, పెట్టుబడిదారులకు, గృహ కొనుగోలుదారులకు సమగ్ర అవగాహన కల్పించబడుతోందని, నగరంలో రియల్ ఎస్టేట్ రంగానికి కొత్త ఉత్సాహం నింపుతోందన్నారు. దీనిని వినియోగించుకొని నిర్మాణ రంగంలో ఉన్న వారు కష్టమర్ల అభిరుచికి అనుగునంగా నిబందనలతో కూడిన నిర్మాణాలు చేపట్టాలని సూచించారు.
