మండల విద్యాధికారి పై ఆర్ జె డి కి ఫిర్యాదు
విచారణ జరిపి చర్యలు తీసుకుంటామని ఆర్ జె డి హామీ
జీ న్యూస్ హుజురాబాద్:
హుజూరాబాద్ మండల విద్యాధికారి తన కార్యాలయ అవసరాల కోసం ప్రభుత్వ ఉపాధ్యాయుడిని నియమించుకోవడం, విద్యార్థులకు పాఠాలు చెప్పవలసిన గణిత శాస్త్ర ఉపాధ్యాయుడు పాఠాలు బోధించకుండా వాడుకుంటున్నాడని ఆర్జెడీకి విద్యార్థి సంఘ నాయకుడు శనివారం పిర్యాదు చేశాడు. సదరు ఉపాద్యాకుడు ఎంఈఓతో కలసి కుమ్మక్కై డిప్యుటేషన్ పేరిట ఎంఈఓ కార్యాలయంలో విధుల పేరిట టైంపాస్ చేస్తున్నాడని ఆర్జెడి కె సత్యనారాయణ రెడ్డి కు ఫిర్యాదు చేసినట్లు ఆల్ ఇండియా స్టూడెంట్స్ బ్లాక్ తెలంగాణ రాష్ట్ర కన్వీనింగ్ కమిటీ మెంబర్ కొలుగూరి సూర్యకిరణ్ తెలిపారు. ఈ సందర్భంగా ఆయన మాట్లాడుతూ అధికార దుర్వినియోగం కు పాల్పడుతూ తన కార్యాలయ అవసరాల కొరకు డిప్యూటేషన్ పేరిట బోధనేతర పనులకు ప్రభుత్వ ఉపాధ్యాయుడిని కేటాయించుకుని ప్రభుత్వ నిబంధనలకు విరుద్ధంగా తన ఇష్టానుసారంగా వ్యవహరిస్తున్నాడని ఆరోపించారు. ఎంఈఓ తో కుమ్మక్కైన ఉపాధ్యాయుడు సైతం అన్యాయంగా జీతభత్యాలు పొందుతున్నాడని, పాఠశాలకు రావాల్సిన ఉపాధ్యాయుడు రాకపోకపోవడంతో విద్యార్థులకు అన్యాయం జరుగుతుందన్నారు. తక్షణమే ఎంఈఓ, గోపాల్ రెడ్డి అనే ఉపాధ్యాయుడిని సస్పెండ్ చేసి తగిన గుణపాఠం చెప్పాలని ఆర్జేడికి పిర్యాదు చేశామన్నారు. పూర్తి వివరాలు తెలుసుకొని విచారణ జరిపి చర్యలు తీసుకుంటామని ఆర్జేడి హామీ ఇచ్చినట్లు తెలిపారు.
