హీటెక్కిన బీహార్ రాజకీయం
-సీఎం నితీష్ కుమార్ ఇంటి వద్ద ఆ పార్టీ నేతలు ధర్నా
జీ న్యూస్ ప్రత్యేక ప్రతినిధి:
బీహార్ అసెంబ్లీ ఎన్నికలు దగ్గర పడుతున్న కొద్ది అక్కడ రాజకీయాలు వేడెక్కుతున్నాయి. ఈ తరుణంలో అధికార విపక్ష పార్టీలో టికెట్లు పంచాయతీ మొదలైంది .ఎట్టి పరిస్థితుల్లో తమకు టికెట్ తగ్గాలని భావిస్తున్న కొందరు ఏకంగా సీఎం నితీష్ కుమార్ నివాసం వద్ద ధర్నాకు దిగారు. ఈ తరుణంలో రాజధాని నగరం పాట్నాలోని ఆయన నివాసం వద్ద భద్రత మరింత కట్టుదిట్టం చేశారు. పార్టీ టికెట్ కోసం నితీష్ ఇంటి వద్ద జేడియు పార్టీకి చెందిన గోపాల్పూర్ ఎమ్మెల్యే గోపాల్ మండల్ ధర్నాకు దిగారు. ఈసారి టికెట్ లభించే అవకాశాలు తక్కువగా ఉన్నాయి అన్న అంచనాల నేపథ్యంలో ఆందోళన చేపట్టారు. ఆయన ఇప్పటికి నాలుగు సార్లు ఎమ్మెల్యేగా విజయం సాధించారు. మంగళవారం ఉదయం తన మద్దతు దారులతో కలిసి సీఎం నివాస ప్రాంగణంలోకి ప్రవేశించేందుకు ప్రయత్నించారు. ముందస్తు అపాయింట్మెంట్ లేదని భద్ర సిబ్బంది వారిని అడ్డుకున్నారు. సీఎం నుంచి పార్టీ గుర్తు వచ్చేవరకు నేను వెనక్కి తగ్గను ఆయన మా పార్టీకి సుప్రీం ఆయన్ను కలిసే వరకు ఇక్కడి నుంచి వెళ్ళను నా పై లాటి చార్జ్ చేస్తే చేసుకోండి అని మీడియాతో మాట్లాడారు .సీఎం ఇంటి వద్దను భద్రత ను పెంచారు ఎవరు సీఎం నివాసంలోకి ప్రవేశించకుండా భద్రతా సిబ్బంది చర్యలు చేపట్టారు.
