జగన్ కొత్త స్ట్రాటజీ..
సానుభూతి కోసం పాకులాట
ఆమరావతి జీ న్యూస్ ప్రతినిథి
అసెంబ్లీకి రాలేదని చర్యలు తీసుకుంటే రాజీనామాలు చేయాలని జగన్ ఆలోచిస్తున్నట్లుగా వార్తుల వస్తున్నాయి. ఈ మేరకు పార్టీ నేతల సమావేశంలో కూడా తన ఆలోచన చెప్పినట్లు తెలుస్తొంది. వైసీపి లో జగన్ నిర్ణయమే ఫైనల్ ఆయన రాజీనామా చేయమంటే .. ఎమ్మెల్యేలు, ఎంపీలు చేస్తారు. చేయకపోతే తాడేపల్లికి పిలిపించి చేయిస్తారంటూ నాయకులు అంటున్నారు. ఈ విషయం వైసీపీ ఎంపీలు, ఎమ్మెల్యేలకు ఎలా అనిపించిందో కానీ.. ప్రస్తుతం ఆయన రాజకీయ నిర్ణయాలను పరిశీలిస్తున్న వారికి.. జగన్ కొత్త స్ట్రాటజీతో వెలుతున్నాడని, ఓటమి తరువాత తీసుకున్న నిర్ణయాల్లో అదే అత్యుత్తమం అవుతుందని విశ్లేషిస్తున్నారు.
అనర్హత వేటు వేస్తే రాజీనామా అవసరం పడదు. తామే రాజీనామాలు చేస్తే ఆనందంగా ఆమోదిస్తారు స్పీకర్. ఈ క్రమంలో చర్యలు అన్నారంటే.. జీతభత్యాలు నిలిపివేయడం. ఇటీవల అసెంబ్లీకి రాని.. పని చేయని ఎమ్మెల్యేలకు జీతభత్యాలు ఎందుకివ్వాలని స్పీకర్ అయ్యన్న ప్రశ్నిస్తున్నారు. అసెంబ్లీకి రాకపోయినా ఎమ్మెల్యేలు.. అసెంబ్లీకి వచ్చినట్లుగా టీఏ , డీఏలు పొందుతున్నారు. ఇతర అలవెన్స్‌లు కూడా పొందుతున్నారు. వాటన్నింటిని క్యాన్సిల్ చేసే ఆలోచనలో స్పీకర్ ఉన్నట్లుగా తెలుస్తోంది.
తామే రాజీనాయ చేస్తే ఉపఎన్నికలు వస్తాయి. తమకు ప్రతిపక్ష నేత హోదా ఇవ్వకుండా వేధించారని.. అసెంబ్లీకి వెళ్లకపోతే జీతాలు కూడా ఆపేశారని చెప్పి ప్రజల వద్దకు ఎన్నికలకు వెళ్తే .. వారి సానుభూతి లభిస్తుందని జగన్ అనుకుంటున్నారు. ఇప్పటికే ప్రజల్లో ప్రభుత్వంపై తీవ్ర ఆగ్రహం ఉందని జగన్ నమ్ముతున్నారు. ప్రభుత్వాన్ని ఎందుకు గెలిపించామా అని ప్రజలు బాధపడుతున్నారని ఆయన అనుకుంటున్నట్లు చెబుతున్నారు. దీన్ని నిరూపించడానికి ఉపఎన్నికలు మంచి చాయిస్. జగన్ రెడ్డి సహా ఎమ్మెల్యేలు, ఎంపీలు రాజీనామాలు చేస్తే.. రాజకీయ సమీకరణాలు ఎలా ఉంటాయి….మరి జగన్ మాటల్లో చెప్పినట్లుగా ధైర్యం చేస్తారా ?….గెలిస్తే సరి…మరి ఓడితే……. తరువాత పరిణామాలు ఎలా ఉంటాయో వేచి చూడాలి
