నాగార్జున డైరీలో ఘనంగా వందేమాతరం 150 వసంతాల వేడుకలు
సుజలాం…సుఫలాం.. సస్యశ్యామలం.. వందేమాతరం!
జీ న్యూస్ హుజూరాబాద్
నాగార్జున డైరీలో శుక్రవారం వందేమాతరం గీతం 150 వసంతాల వేడుకలను ఘనంగా నిర్వహించారు. డైరీ ఎండి పుల్లూరి ప్రభాకర్ రావు, పుల్లూరి గణేష్, సీఈఓ కృష్ణ ప్రసాద్ ఆద్వర్యంలో నిర్వహించిన వేడుకలలో సిబ్బంది పాల్గొని జాతీయ పతాకలు చేతబట్టి వందేమాతర గీతం ఆలపించారు. వందేమాతరం అంటూ నినదించారు. స్వాతంత్య్ర ఉద్యమంలో కోట్ల మంది భారతీయుల్లో స్ఫూర్తి నింపిన ‘వందేమాతరం’ గేయానికి శుక్రవారంతో 150 ఏళ్లు పూర్తయ్యాయి. ఈ సందర్భంగా ఏడాది పొడవునా కార్యక్రమాలు నిర్వహించాలని కేంద్ర ప్రభుత్వం నిర్ణయించింది. ఇందులో భాగంగా నాగార్జున డైరీలో ఈ కార్యక్రమాన్ని ఘనంగా నిర్వహించారు. ఈ సందర్బంగా వారు మాట్లాడుతూ వందే మాతరం అంటే మాతృభూమికి నమస్కారం అనం ఆర్థం. ఈ ఉద్యమం భారత స్వాతంత్ర ఉద్యమాన్ని ఉత్తేజంగా మార్చి, ఆంగ్లేయుల గుండెల్లో గుబులు రేపిందన్నారు. స్వాతంత్రం వచ్చిన తరువాత జాతీయ గేయం ’జనగనమన’‘ తో సమానంగా వందే మాతర గీతానికి సమంగా గౌరవమిస్తూ జాతీయ గేయంగా ప్రకటించారన్నారు. కార్యక్రమంలో డైరీ ఏజీఎంలు ఆకునూరి సుధాకర్, వెంకట స్వామి, మేనేజర్లు మాటూరి శ్రీనివాస్, శ్రీనివాస్, సంతోష్, వివిద విభాగాల ఇంచార్జిలు, సిబ్బంది పాల్గొన్నారు.
