అలరించిన ఆవిష్కార్
వాగేశ్వరి కాలేజ్ లో ఘనంగా ఫ్రెషర్స్ డే వేడుకలు….
జీ న్యూస్ తిమ్మాపూర్
వాగేశ్వరి కాలేజ్ ఆఫ్ ఇంజినీరింగ్ లో మంగళవారం సీఎస్సీ(AI & ML) ఆధ్వర్యంలో “ఆవిష్కార్” ఫ్రెషర్స్ డే వేడుకను ఘనంగా నిర్వహించారు. ఈ సందర్బంగా విద్యార్థులు ప్రదర్శించిన నృత్యాలు ఆకట్టుకున్నాయి. నిర్వహించిన సాంస్కృతిక కార్యక్రమాలు అలరించాయి. కార్యక్రమంలో కళాశాల జనరల్ సెక్రెటరీ డాక్టర్ జి.శ్రీనివాస్ రెడ్డి మాట్లాడుతూ మారుతున్న కాలానికి అనుగుణంగా పరిజ్ఞానాన్ని పెంపొదించుకోవాలన్నారు. ప్రస్తుతం AI సాంకేతికతో విద్యా, వైద్య మరియు వివిధ రంగాల్లో పెను మార్పులు వస్తున్నాయన్నారు. అంతే కాకుండా వేగంలో, మేధస్సులో AI రాబోయే రెండేళ్లలో మానవాళిని అధిగమిస్తుందన్నారు. కాబట్టి విద్యార్థులు మార్పులకు అనుగుణంగా తమ ఆలోచనలకు పదును పెట్టి నూతన ఆవిష్కరణలను తీసుకురావాలని సూచించారు. కార్యక్రమంలో సంయుక్త కార్యదర్శి డాక్టర్ డి. శ్రీనివాస్ రెడ్డి, డైరెక్టర్లు వినోద్, ప్రకాష్, కళాశాల ప్రిన్సిపల్ డాక్టర్ సి.హెచ్. శ్రీనివాస్గా, Cse(AI & ML) విభాగధిపతి డాక్టర్ ఈ శ్రీకాంత్ రెడ్డి , వివిధ విభాగధిపతులు, అధ్యాపకులు, విద్యార్థిని విద్యార్థులు పాల్గొన్నారు.


