ట్రంప్ మరో షాకింగ్ న్యూస్
-చైనా దిగుమతులపై అదనంగా 100% సుంకాలు
జీ న్యూస్ నెట్వర్క్
అమెరికా అధ్యక్షుడు డోనాల్డ్ ట్రంప్ మరోసారి షాకింగ్ న్యూస్ ప్రకటించారు. చైనా దిగమతులపై అదనంగా 100% సుంకాలు విధించినట్లు ఆయన ప్రకటించారు. ఇవి నవంబర్ 1 నుంచి అమలులోకి రానున్నట్లు వెల్లడించారు. ఇప్పటికే చైనా పై 30% సుంకాలు విధించిన సంగతి తెలిసిందే.
ప్రపంచ దేశాలపై దూకుడుగా నిర్ణయాలు తీసుకుంటున్న ట్రంప్ ఈసారి చైనాకు మరో షాకింగ్ న్యూస్ ప్రకటించారు. చైనా తయారీ వస్తువులు ఏ దేశం నుంచి దిగుమతి అయిన ఏ ఉత్పత్తులు అమెరికాకు ఎగుమతి చేసిన వాటికి ఈ సుంకాలు వర్తిస్తాయని అమెరికా అధ్యక్షుడు తన పోస్టులో వెల్లడించారు. ఇది అన్ని దేశాలను ప్రభావితం చేస్తుందని ఇందులో ఎలాంటి మినహాయింపు ఉండబోదని తెలిపారు.
చైనా అమెరికాపై కనిజాల ఎగుమతులపై ఆంక్షలు విధించిన తర్వాత ట్రంప్ ఈ నిర్ణయం తీసుకున్నట్లు తెలుస్తోంది చైనా అధ్యక్షుడు జిన్ పింగ్ తో భేటీని రద్దు చేసుకుంటానంటూ బెదిరింపులకు దిగిన ట్రంప్ కొన్ని గంటల తర్వాతనే సుంకాల ప్రకటన చేయడం గమనార్హం .గతంలోనూ అమెరికా చైనాల మధ్య వాణిజ్య యుద్ధం నడిచిన సంగతి తెలిసిందే.రెండు అతిపెద్ద ఆర్థిక వ్యవస్థల మధ్య జరిగిన వాణిజ్య వివాదం తగ్గించే లక్ష్యంగా ఇరుదేశాల మధ్య చర్చలు జరిగినప్పటికీ అవి ఒక కొలిక్కి రాలేదు. కాగా కొంతకాలంగా అమెరికా అధ్యక్షుడు ట్రంప్ ప్రపంచంలోనే అన్ని దేశాలపై సుంకాలు విధిస్తున్న సంగతి తెలిసిందే.
