రవితేజ ‘RT 76’ టైటిల్ గ్లింప్స్ రిలీజ్..
క్లాస్ బాట పట్టిన మాస్ మహారాజా..
జీన్యూస్ ప్రత్యేక ప్రతినిది
మాస్ మహారాజా రవితేజ నటిస్తున్న RT 76 చిత్రానికి ‘భర్త మహాశయులకు విజ్ఞప్తి’ అనే టైటిల్ ఖరారైంది. కిశోర్ తిరుమల దర్శకత్వంలో తెరకెక్కుతున్న ఈ సినిమాలో ఆశికా రంగనాథ్, డింపుల్ హయతి హీరోయిన్లుగా నటిస్తున్నారు. సంక్రాంతికి విడుదల కానున్న ఈ చిత్రం టైటిల్ గ్లింప్స్ తాజాగా విడుదలైంది. రామ సత్యనారాయణ పాత్రలో రవితేజ అలరించనున్నారు.
మాస్ మహారాజా రవితేజ ప్రస్తుతం కిశోర్ తిరుమల దర్శకత్వంలో నటిస్తున్న సంగతి తెలిసిందే. ఇందులో ఆశికా రంగనాథ్, డింపుల్ హయతి హీరోయిన్లుగా నటిస్తున్నారు. RT 76 అనే వర్కింగ్‌ టైటిల్‌తో షూటింగ్ జరుపుకుంటున్న ఈ సినిమాని సంక్రాంతికి రిలీజ్ చేయాలని ప్లాన్ చేస్తున్నారు. ప్రమోషన్స్ లో భాగంగా తాజాగా టైటిల్ గ్లింప్స్ రిలీజ్ చేశారు.
రవితేజ 76వ చిత్రానికి ‘ భర్త మహాశయులకు విజ్ఞప్తి ‘ అనే టైటిల్ పెట్టినట్లు చాలా రోజులుగా ప్రచారంలో ఉంది. ఇప్పుడు ఇదే టైటిల్ ను మేకర్స్ అధికారికంగా ప్రకటించారు. రామ సత్యనారాయణ అనే పాత్రలో రవితేజ కనిపించనున్నారు. ఎస్ఎల్వీ సినిమాస్ బ్యానర్ పై సుధాకర్‌ చెరుకూరి ఈ చిత్రాన్ని నిర్మిస్తున్నారు. జీ స్టూడియోస్ సమర్పిస్తున్న ఈ చిత్రానికి భీమ్స్‌ సిసిరోలియో సంగీతం సమకూరుస్తున్నారు.
