ఫోటోగ్రాఫర్ దారుణ హత్య
జీన్యూస్ జనగాం/చిల్పూర్
జనగామ జిల్లా చిల్పూర్ మండలం కొండాపూర్ గ్రామంలో విశాద ఛాయలు అలుముకున్నాయి. ముత్యాల సురేష్ (31) అనే ఫోటో గ్రాఫర్ సోమవారం ఉదయం మోతే మల్లేష్ కి చెందిన మామిడి తోటలో విగత జీవిలా పడి ఉన్నాడు. ఆదివారం సాయంత్రం నాలుగు గంటల ప్రాంతాన ముత్యాల సురేష్ అనే వ్యక్తిని కిడ్నాప్ చేసి అతి దారుణంగా చేతులు కట్టేసి చీరతో మెడకు ఉరిబిగించి హింసించి చంపారు. సోమవారం ఉదయం మామిడి తోటలో మృతదేహం లభ్యమైంది. సిఐ శ్రీనివాస్ రెడ్డి సమక్షంలో పంచనామా చేసి పోస్టుమార్టం నిమిత్తం జనగాం జిల్లా ఏరియా ఆసుపత్రికి తరలించారు. నిందితులు పరారీలో ఉన్నారు. భూ తగాదాలే కారణం అని స్థానికులు చెప్తున్నారు. మృతునికి భార్య మూడు నెలల బాబు ఉన్నాడు. ఒక్కగానొక్క కొడుకు చావును చూసి తల్లిదండ్రులు బోరున విలపిస్తున్నారు.
