ఇయ్యాల ఆ ఊరంతా నాటుకోడి పులుసే…
జీ న్యూస్ ఎల్కతుర్తి
ఆ ఉర్లో ఇయ్యాల ప్రతీ ఇంట్లో నాటుకోడి పులసు వండుకొని పండుగ జేసుకుంటున్నారు. కోళ్లను రవాణా చేస్తున్న వాహనాలు బోల్తా పడటం.. ప్రమాదాన్ని పట్టించుకోకుండా దారిన పోయే వాళ్లు అందులో ఉన్న కోళ్ల కోసం ఎగబడిన ఘటనలు చూసుంటాం. ఇది మరో టైపు….ఈ సారి కూడా జనాలు నాటు కోళ్ల కోసం ఎగబడ్డారు. చేతికందిన కాడికి అన్నట్టుగా కొందరు ఒక కోడిని పట్టుకెళ్తే.. మరికొందరేమో రెండు, మూడేంటి ఏకంగా పదులకొద్దీ కోళ్లను కూడా తీసుకెళ్లేందుకు పోటీ పడ్డారు. ఇంతకీ ఎక్కడివీ నాటుకోళ్లనుకుంటున్నారా..?
హనుమకొండ జిల్లాలో ఓ విచిత్రం చోటు చేసుకుంది….ఎల్కతుర్తి- సిద్దిపేట జాతీయ రహదారి వెంట సుమారు 1000 కోళ్లను గుర్తు తెలియని వ్యక్తులు శనివారం ఉదయం వదిలేశారు. ఈ విషయాన్ని తెలుసుకున్న ప్రజలు కోళ్ల కోసం పొలాలు, పత్తి చేన్ల వెంట పరుగులు తీశారు. కొంత మంది రెండు చేతులలో కొళ్లను పట్టుకోగా…మరి కొంత మంది సంచులలో నింపుకుని తీసుకువెల్లారు. దీనికి సంబందించిన విడియో ఇప్పుడు సోషల్ మీడియాలో వైరల్ గా మారంది. మరోవైపు స్థానిక పోలీసులు ఈ ఘటనపై ఆరాతీస్తున్నారు. కొళ్లను వదిలి వేసిన వారు ఎవరు ఎందుకు వదిలేశారు….దీనిలో ఎదైనా మతలబు ఉందా ఆని సీసీ కెమరాలను పరిశీలిస్తున్నారు. విషయం తెలుసుకున్న ప్రభుత్వ అధికారులు కోళ్లను వెటర్నరీ డాక్టర్ వద్దకు తీసుకు వెల్లగా వాటి శాంపిల్లను తీసుకొని లాబ్కు పంపించామన్నారు. నివేదిక వచ్చేవరకు వాటిని తినవద్దని సూచించారు.
