రోజుకు 8 గంటలే డ్యూటీ అంటున్న దీపికా పడుకునే
జీ న్యూస్ ప్రత్యేక ప్రతినిధి:
-బాలీవుడ్ స్టార్ హీరోయిన్ దీపిక పడుకునే మాటలు సంచలనం రేపుతున్నాయి.
రోజుకు ఎనిమిది గంటలకంటే ఎక్కువ సేపు పని చేయడం ఆమెకి ఇష్టం ఉండదని అందుకే ఆమెను కల్కి2, స్పిరిట్ ప్రాజెక్ట్ నుంచి తీసేసారంటూ మీడియాలో పెద్ద ఎత్తున వార్తలు వచ్చాయి. వాటిపై స్పందించిన దీపిక పడుకునే తాను మాత్రమే కాకుండా బాలీవుడ్లో చాలామంది స్టార్ హీరోలు రోజుకి 8 గంటల పని చేస్తారని శని ఆదివారాల్లో అస్సలు పని చేయరని చురకలు అంటించింది .వాళ్ల గురించి కాకుండా తన గురించే వార్తలు రాయడం కరెక్ట్ కాదంటూ తెలిపింది. అయితే ఆమె ఎవరి గురించి మాట్లాడిందనేది సస్పెన్స్ గా మారింది.
అయితే గతంలో బాలీవుడ్ స్టార్ హీరో అక్షయ్ కుమార్ మీద అభిషేక్ బచ్చన్ చేసిన కామెంట్లు మరోసారి వైరల్ అవుతున్నాయి .అక్షయ్ కుమార్ రోజులో 8 గంట లే పని చేస్తారని అంతకుమించి ఒక్క నిమిషం కూడా సెట్ లో ఉండకుండా మేకప్ తీసేసి వెళ్ళిపోతాడని అభిషేక్ తెలిపారు. ఈ విషయాన్ని సోషల్ మీడియాలో వైరల్ చేస్తున్నారు. దీంతో దీపిక చెప్పిన స్టార్ హీరోల్లో అక్షయ్ కుమార్ కూడా ఉన్నాడని రూమర్లు వినిపిస్తున్నాయి.
