బీసీ రిజర్వేషన్లు సాధించి తీరుతాం
-42 శాతం రిజర్వేషన్లపై సుప్రీంకోర్టుకు వెళ్ళనున్న తెలంగాణ ప్రభుత్వం
జీ న్యూస్ ప్రత్యేక ప్రతినిథి
ఎన్ని అడ్డంకులు వచ్చినా ఇచ్చిన హామీ నెరవేరుస్తామని బీసీలకు 42% రిజర్వేషన్లు సాధించి తీరుతామని కాంగ్రెస్ నేతలు చెప్తున్నారు. స్థానిక సంస్థల ఎన్నికల్లో బీసీలకు 42 శాతం రిజర్వేషన్ల జీవోను ఎన్నికల నోటిఫికేషన్ అమలును నిలిపి వేస్తూ హైకోర్టు ఇచ్చిన స్టే పై సుప్రీంకోర్టును ఆశ్రయించాలని తెలంగాణ రాష్ట్ర ప్రభుత్వం నిర్ణయించినట్లు తెలుస్తోంది. దీనిపై స్పెషల్ లీవ్ పిటిషన్ దాఖలు చేయాలని నిర్ణయించినట్లు సమాచారం. హైకోర్టు ఇచ్చిన స్టేను ఎత్తివేసి ఎన్నికల నిర్వహణకు అనుమతించాలని ప్రభుత్వం కోరనుంది .ఎన్నికల ప్రక్రియ నామినేషన్ల స్వీకరణ కూడా ప్రారంభమైనందున ఇందులో హైకోర్టు జోక్యం సరికాదని రాష్ట్ర ప్రభుత్వం సుప్రీంకోర్టులో వాదించనుంది. జీవో 9ను అమలు చేయాలని, సుప్రీంకోర్టుకు వెళ్లే అంశంపై కాంగ్రెస్ నేతలు సమావేశం నిర్వహించారు.
