ఆల్ఫోర్స్ జీనియస్ స్కూల్ లో ఘనంగా చిల్డ్రన్స్ డే వేడుకలు
జీన్యూస్ హుజురాబాద్:
హుజూరాబాద్ లోని స్థానిక ఆల్ఫోర్స్ జీనియస్ పాఠశాలలో శుక్రవారం రోజున నెహ్రూ జన్మదినోత్సవం సందర్భంగా చిల్డ్రన్ డే ను ఘనంగా జరుపుకున్నారు. ఈ సందర్భంగా పాఠశాలలో స్వయం పరిపాలన దినోత్సవం కూడా జరుపుకున్నారు. ఇందులో భాగంగా విద్యార్థులు టీచర్స్ గా మారి తోటి విద్యార్థులకు పాఠాలను బోధించారు. ఈ కార్యక్రమానికి ముఖ్యఅతిథిగా హాజరైన ఆల్ఫోర్స్ విద్యాసంస్థల చైర్మన్ డాక్టర్ వి. నరేందర్ రెడ్డి మాట్లాడుతూ ప్రతిరోజు ఉపాధ్యాయునీ ఉపాధ్యాయులు పిల్లలకి మరింత జ్ఞానం ఇవ్వడం కోసం బాగా ప్రిపేర్ అవ్వాలన్నారు. అప్పుడు మాత్రమే తరగతి గదులలో మరింత బాగా బోధిస్తారని, ఈ ఒక్కరోజు మీరు పాఠాలను చెప్పడం కోసం చాలా కష్టపడటం నేర్చుకున్నారన్నారు. అనంతరం అంతకుముందు నిర్వహించిన ఎస్సే రాత పోటీలలో మంచి మార్కులు సాధించిన విద్యార్థులను, అలాగే కరాటే లో పథకాలు సాధించిన విద్యార్థులను ఆయన అభినందించారు. తొమ్మిదో తరగతి చదువుతున్న చిట్యాల శ్రేయస్ అండర్ 14 షాట్ పుట్ విభాగంలో జిల్లాస్థాయిలో ప్రథమ స్థానం సంపాదించి రాష్ట్రస్థాయికి ఎంపిక కావడం పట్ల ఆనందం వ్యక్తం చేశారు. అనంతరం నిర్వహించిన సాంస్కృతిక కార్యక్రమాలు అందరినీ ఆకట్టుకున్నాయి. ఈ కార్యక్రమంలో పాఠశాల ప్రిన్సిపాల్, వైస్ ప్రిన్సిపాల్, ఉపాధ్యాయుని ఉపాధ్యాయులు, స్టూడెంట్ టీచర్స్, విద్యార్థులు, తల్లిదండ్రులు పాల్గొన్నారు.
