బీ ఫారాలను నేనే ఇస్తా
ఇక్కడ 25 ఏళ్ల నుంచి నేనే లీడర్ను..
..మల్కాజ్గిరి ఎంపీ ఈటల రాజేందర్
హుజురాబాద్ జీ న్యూస్ :
బీ ఫారాలను నేనే ఇస్తా ఇక్కడ 25 ఏళ్ల నుంచి నేనే లీడర్నుఅని బిజెపి పార్టీ నాయకులు మల్కాజ్గిరి ఎంపీ ఈటల రాజేందర్ అన్నారు. హుజురాబాద్ నియోజకవర్గం లో బీజేపీ పార్టీకి సంబంధించిన బి ఫారం లు ఎవరిస్తారు అనే విషయంపై ఈటెల రాజేందర్ కుండబద్దలు కొట్టినట్లు స్పష్టం చేశారు. కాంగ్రెస్ ప్రభుత్వం బీసీ రిజర్వేషన్ల విషయంలో గందరగోళం సృష్టించిందని ఆయన తీవ్రస్థాయిలో ధ్వజమెత్తారు. హుజురాబాద్ పట్టణంలో ఆయన మీడియా సమావేశంలో మాట్లాడారు. 42 శాతం బీసీ రిజర్వేషన్ల అంశంపై ముఖ్యమంత్రి ప్రజలను మోసం చేశారని, వంచించారని ఆయన మండిపడ్డారు. ఈ అంశంపై కాంగ్రెస్ ప్రభుత్వం తక్షణమే ప్రజలకు క్షమాపణ చెప్పి, వెంటనే ఎన్నికలు నిర్వహించాలని ఆయన డిమాండ్ చేశారు.
42 శాతం బీసీ రిజర్వేషన్ల విషయంలో ముఖ్యమంత్రి గందరగోళం సృష్టించారని ఈటల రాజేందర్ విమర్శించారు. బీసీ రిజర్వేషన్లకు బీజేపీ మొదటి నుంచి సపోర్ట్ చేసిందని స్పష్టం చేస్తూ, కాంగ్రెస్ పార్టీకి నిజాయితీ, చిత్తశుద్ధి లేకపోవడం వల్లనే ఈ అంశం అబాసుపాలైందని అన్నారు. కాంగ్రెస్ కొత్త పార్టీ కాదని, అనాలోచితంగా, మూర్ఖంగా వ్యవహరించిందని దుయ్యబట్టారు. ఈ రిజర్వేషన్ల అంశం రాష్ట్రానికి సంబంధించింది కాదని, ఇది రాజ్యాంగ సవరణ అంశం, కేంద్రానికి సంబంధించిందని, రాజ్యాంగబద్ధమా కాదా చూడాలని స్పష్టం చేశారు.’డ్రామా’ ఆరోపణలు..కాంగ్రెస్ వ్యవహరిస్తున్న తీరు ‘డ్రామా’ అని, జంతర్ మంతర్ వద్ద ధర్నా చేసినప్పుడే ఇది తెలిసిపోయిందని ఈటల విమర్శించారు. బీసీ సంఘాలు, నాయకులు ఈ విషయంపై ఆలోచించాలని కోరారు. బీజేపీ వ్యతిరేకిస్తోందనేది పస లేని వాదన అని కొట్టిపారేసిన ఆయన, కేంద్రంలో కాంగ్రెస్ ఉన్నా రిజర్వేషన్లు సాధించలేరని, ప్రజలను మోసం చేసే ప్రయత్నం చేశారని ఆరోపించారు. 42 శాతం రిజర్వేషన్లపై చెంపలు వేసుకొని ప్రజలకు క్షమాపణ చెప్పి వెంటనే ఎన్నికలు నిర్వహించాలని డిమాండ్ చేశారు. ఎన్నికల్లో ఇచ్చిన హామీ మేరకు ఏ మొఖం పెట్టుకొని ఓట్లు అడుగుతారని కాంగ్రెస్‌ను ప్రశ్నించారు.పనులు చేసిన పాత ప్రజాప్రతినిధులకు, రెసిడెన్షియల్ స్కూల్లో ఉన్న పిల్లలకు సంబంధించిన బిల్లులు వెంటనే చెల్లించాలి అని ప్రభుత్వాన్ని డిమాండ్ చేశారు.
కాంగ్రెస్ ప్రభుత్వాన్ని ప్రజలు ‘థు’ అని అంటున్నారని పేర్కొన్నారు. గతంలో కేసీఆర్ వేధిస్తున్నాడని, చతికిల పడిన పార్టీని గెలిపిస్తే ఇప్పుడు ప్రజలను, ఉద్యోగులను ఇబ్బందులు పెడుతున్నారని విమర్శించారు. రాష్ట్ర ఆర్థిక పరిస్థితి గురించి ప్రభుత్వానికి తెలియదా అని ప్రశ్నిస్తూ, ఆరు గ్యారంటీలు, హామీల గురించి మాట్లాడట్లేదని, గతంలో ఉన్నవే ఇవ్వమని ప్రజలు అడుగుతున్నారని అన్నారు.బీసీలకు బీజేపీ అండగా ఉంటుంది అని ఈటల రాజేందర్ భరోసా ఇచ్చారు. కాంగ్రెస్ ప్రభుత్వ పాలన అబద్ధాల పునాది, గోల్‌మాల్ అని అభివర్ణించారు. హైదరాబాద్‌లో పేదల గుడిసెలు కూలకొట్టింది, ప్రజల బతుకులు నాశనం చేసింది కాంగ్రెస్ ప్రభుత్వమేనని ఆరోపించారు. ఎప్పటికైనా ప్రజలకు అండగా, తోడుగా ఉండేది బీజేపీ మాత్రమేనని అన్నారు. పదవులకంటే ప్రజలే ముఖ్యం అని, కేసీఆర్ ప్రభుత్వం ఉన్నప్పుడే ప్రజల కోసం పోరాటం చేశానని గుర్తు చేసుకున్నారు. ‘బీ ఫారంలు నేనే ఇస్తా, ఇక్కడ 25 ఏళ్ల నుంచి నేనే లీడర్‌ని’ అని ఈటల రాజేందర్ ప్రకటించారు
